Louis Armstrong

Vun Wikipedia

Louis Daniel „Satchmo“ Amstrong (* 4. August 1901 in New Orleans; † 6. Juli 1971 in New York, Queens) weer en Jazzspeler (Trompet, Kornett) un Singer.

[ännern] Jöögd in New Orleans

Louis Armstrong sülvst geev immer den 4. Juli, also de Unafhängigkeitsdag vun de USA, as sien Geboortsdatum an. Besünners de Lüüd vun de swaart Bevölkerung in de USA maken dat, wenn dat eegen Geburtsdatum nich bekannt, oder dat nich den sellschaplichen Vörstellungen entspreken dee. He maak sück ok immer een Johr öller as he weer, domit he al as Jugendlicher in de Vergnögensveertel vun New Orleans kunn. Eerst ut en Dööpschien, de man 1983 opdeckt hett, gung dat richtig Geburtsdatum, de 4. August 1901, hervör.

Armstrong wurr in armste Verhältnisse ringeboren un wuss blots tietwielig bi sien Moder up. As he söben Johr oold weer, muss he al Zeitungen verkopen. Anfang 1913 hett he al mit en Revolver vun sien Unkel in’n Silvesternacht rümballert, worup man hüm wegen Unruhestiftung in dat Colored Waif’s Home for Boys, en Anstalt för obdaakloos swaart Jugendliche inwiest hett.

Dat weer en streng organiseert Anstalt, aber Armstrong hett dor de Grundlaag för dat Kornettspeel lehrt. Bit 1918 hett he sück mit lütt Jobs un eerste Uptreden as Musiker in’t Rootluchtmilieu vun New Orleans dörslaan.

[ännern] Weblenken

• Diskografie (engelsch)
• Satchmo.net, Websteed vun Louis Armstrong House & Archives (engelsch)